Ataýly is-shara aıasynda uıymdastyrylǵan bul jıyn – ult rýhanııaty men álemdik órkenıet arasyndaǵy altyn kópirge aınalǵan ál-Farabıdiń murasyn nasıhattaýǵa, jastardyń ǵylymı izdenisin jandandyrýǵa baǵyttaldy. Ál-Farabı – adamzat mádenıetiniń temirqazyǵy, álemdik órkenıet keńistiginde aqyl men parasattyń, izgilik pen bilimniń nur shamshyraǵyn jaqqan uly oıshyl. Onyń fılosofııalyq tereń oılary, logıkalyq taldaýy, etıkalyq qaǵıdattary men ǵylymǵa degen kózqarasy ǵasyrlar ótse de óz mánin joımaı, búgingi HHI ǵasyrdyń sıfrlyq dáýirinde jańa qyrynan tanylyp otyr. Is-sharaǵa ýnıversıtettiń oqytýshy-professorlar quramy, doktoranttar, magıstranttar, sondaı-aq «Farabıtaný» baǵytyn zerttep júrgen jas ǵalymdar qatysty.
Kezdesýdi «Ál-Farabı» ǵylymı-zertteý ortalyǵy men ýnıversıtettiń ǵylymı-ınnovasııalyq jónindegi departamenti birlese uıymdastyrdy. Shara barysynda «Farabıtanýdyń» qazirgi baǵyttary, ǵulamanyń fılosofııalyq jáne pedagogıkalyq ıdeıalarynyń zamanaýı máni, sondaı-aq, onyń ǵylym men adamzat mádenıetine qosqan úlesi keńinen talqylandy.
«Ál-Farabı» ǵylymı-zertteý ortalyǵynyń dırektory, saıasattaný ǵylymdarynyń kandıdaty, qaýymdastyrylǵan professor Pirimbek Muhanbetuly Súleımenov óz sózinde: «Farabı murasy – tek ótkenniń jádigeri emes, ol – búgingi jáne bolashaq urpaqtyń rýhanı jáne ǵylymı baǵdarshamy. Ýnıversıtetimizdiń mıssııasy – osy murany zamanaýı ǵylymmen ushtastyra otyryp, bilim men mádenıettiń jańa kókjıegin ashý», - dep atap ótti.
Kezdesý barysynda qatysýshylar uly oıshyldyń eńbekterin zertteý tájirıbelerimen bólisip, «Farabıtaný» ǵylymynyń bolashaqtaǵy damý basymdyqtaryn aıqyndady. Sonymen qatar, stýdentter men jas ǵalymdarǵa arnalǵan «Farabı álemi» atty shyǵarmashylyq jáne ǵylymı bastamalar baıqaýynyń bastalǵany da habarlandy.
Bul taǵylymdy basqosý – Ál-Farabı atyndaǵy Qazaq ulttyq ýnıversıtetiniń óziniń tarıhı mıssııasyna, ıaǵnı uly ǵalymnyń ıdeıalaryn nasıhattaý men júzege asyrý isine adaldyǵynyń aıǵaǵy. Ýnıversıtet qabyrǵasynda osyndaı mazmundy kezdesýlerdiń ótýi – jas urpaqtyń otansúıgishtik sezimin, ǵylymı izdeniske degen yntasyn arttyrýmen qatar, «Farabıtaný» ilimin álemdik deńgeıge shyǵarýǵa serpin bereri sózsiz.
Ál-Farabı atyndaǵy Qazaq ulttyq ýnıversıteti
Fılosofııa jáne saıasattaný fakýltetiniń
Pedagogıka jáne bilim berý menedjmenti
kafedrasynyń 2 kýrs doktoranty Amırkanov M.B.
